Axmed Madoobe oo markale eedeeyay Dowaladda Dhexe

0

Madaxweynaha dowlad goboleedka Soomaaliyeed ee Jubaland Axmed Maxamed Islaam ayaa dowladda federaalka Soomaaliya ku dhaliilay iney ka gaabisay la dagaalanka Al-Shabaab.

Waxa uu sheegay in Al-Shabaab awood dheeri ah inay ku sii yeelanayaan hubka & Saanada Ciidanka dowladda ay ka helaan.

Axmed Madoobe ayaa sheegay in loo baahan yahay in Al-Shabaab lagu qaado dagaal mideysan oo dowladda dhexe iyo maamul goboleedyada ah.

Waxa uu xusay in Al-Shabaab ay si dhaqso ah ku helaan hubka iyo Saanada dowladda loogu deeqo sidaasi darteedna aysan macquul ahayn in Al-Shabaab laga guuleysto.

Waxa uu ugu baaqay Saraakiisha Amisom iney ka shaqeeyaan sidii loogu guuleysan lahaa dagaalka Al-Shabaab.

Madaxweynaha dowlad goboleedka Soomaaliyeed ee Jubaland Axmed Maxamed Islaam ( Axmed Madoobe) ayaa sheegay in maamulkiisa uu diyaar u yahay in Al-Shabaab uu la dagaalamo kana saaro guud ahaan degaanada ay Jubbaland kaga sugan yihiin.