Deg Deg: R.W khayre oo Shaqa joojin ku sameeyay Wasiirkii Musuqa ku eedaysnaa

0

Ra’iisul Wasaaraha Xukuumadda Federaalka Soomaaliya Xasan Cali Khayre ayaa shaqo joojin ku sameeyay Wasiir ku-xigeenka Wasaaradda arrimaha dibadda xukuumadda federaalka Soomaaliya Mudane Mukhtaar Mahad Daa’uud, kadib warqad ka soo baxday xafiiskiisa.

Warqadan ka soo baxday xafiiska Ra’iisul Wasaaraha ayaa waxaa la ogeysiiyay Wasiirka iyo Wasiiru dowlaha arrimaha dibadda Soomaaliya, iyo Madaxweynaha Jamhuuriyadda Federaalka Soomaaliya Mudane Maxamed C/laahi Maxamed Farmajo.

Sababta shaqada looga joojiyay ayaa waxaa lagu sheegay inay socoto baaris ku aadan eedeyn ay Hantidhawrka iyo Xeer ilaalinta ku soo oogeen Wasiir ku-xigeenka, taasi oo  la xiriirta musuq maasuq.

Ciidamo ka tirsan Booliska Soomaaliya ayaa Sabtidii ina dhaaftay waxa ay xafiiskiisa shaqo ugu tageen Wasiir ku-xigeenka Wasaaradda arrimaha dibadda, si ay u soo xireen, waxaana ka dhashay muran sababay inuu soo fara geliyo R.W Khayre.