Puntland oo Hawada ka saartay Tv-ga Somaliland

0

Maamulka Puntland ayaa amar ku bixiyay in hawada laga saaro Tv-ga maamulka Somaliland ee laga daawado gudaha deegaanada maamulka Puntland.

Maamulka ayaa sheegay in Tv-ga Somaliland uusan muteysan inay daawadan shacabka ku nool Gobolada Puntland, maadaama uu dagaal ka dhexeeyo labada dhinac.

Amarka hawada looga saarayo Tv-ga ayaa waxaa la xaqiijiyay inuu bixiyay Wasiirka Wasaaradda Warfaafinta maamulka Puntland Cabdi Xersi Cali (Qarjab).

Qoraal kasoo baxay Xafiiska Wasiirka ayaa waxaa Shirkadaha baahiya muuqaalada Tv-yada lagu amray inay hawada ka saran Tv-ga Somaliland.

Sidoo kale, Wasiirka ayaa shirkadaha ku amray in muddo kooban hawada looga saaro Tv-ga iyadoo shirkada ka dhaga adeegta amarkaasi laga qaadi doono talaabo sharci ah.

Si kastaba ha ahaatee, Maamulka Puntland ayaa waxa uu dagaal kala dhexeeya maamulka jaarka la ah ee Somaliland, kaa oo gaaray heerkii ugu xumaa.