Waare oo si cad uga horyimid Go’aankii Goodax Baree

0

Madaxweynaha Dowlad goboleedka Hir-Shabeelle ayaa si cad uga horyimid Go’aankii Wasiirka Wasaaradda Waxbarashada Soomaaliya Cabdullaahi goodax Barre u joojiyey imtixaankii Dugsiyada Sare ee dalka.

Isaga oo Magalada Jowhar kula hadlayay Arday ka banaanbaxeysay Go’aankaas ayuu sheegay in uu maqlay in imtixaanka la musuq maasuqay,balse uu moodayay in dowladda lagu dacaayadeynayay,hayeeshee uu qirtay Wasiirka Wasaaradda waxbarshada Soomaaliya.

Isaga oo sii hadlayay ayaa waxa uu sheegay in saraakiisha loo xilsaaray qaadista Imtixaanka ee ka socday Wasaarada waxbarashada Soomaaliya ay fashilmeen,waxaana uu ku amray Saraakiishaas inay si deg deg ah uga baxaan deegaanada Hir-Shabeelle.

Ugu dambeyn waxa uu sheegay in uu Magacaabi doono Guddi laga soo xulayo, Aqoonyanada, Culumada iyo waxgaradka deeganada Hir-Shabelle,kuwaas oo ka Shaqeyn doono qabsoomida Imtixaanka Ardayda ku nool deegaannada Hir-Shabeelle.