Diyaarad ay saarnaayeen 180 qof oo ku burburtay agagaarka Caasimadda Tehran

0

Diyaarad laga leeyahay dalka Ukraine ayaa ku burburtay agagaarka magaalada Tehran ee Caasimadda Iiraan, taasoo ay saarnaayeen illaa 180 qof oo rakaab ah.

Sida ay ku warantay wakaalada wararka FARS ee dalka Iiraan diyaaraddan ayaa dhacday wax yar kaddib markii ay ka kacday garoonka diyaaradaha ee Imam Khomeini ee Caasimadda Tehran.

Diyaaraddan ayaa ku soo jeeday caasimadda Ukraine ee Kiev waxaana illaa iyo hadda la ogeyn waxa sababay shilka diyaaradda iyo inay la xiriirto xiisadda u dhaxeysa Mareykanka iyo Iiraan.

Madaxa Hey’adda Laanqeyrta Cas ee dalka Iiraan ayaa sheegay inay aad u adagtay inuu qof ka badbaado diyaaradda dhacday.

Telefishinka Press TV ayaa goor dhow sheegay in shilka diyaaradda ay u badan tahay cilad farsamo oo soo wajahay diyaaradda, inkastoo aanan weli wax war ah ka soo bixin Shirkadda Diyaaradaha ee Ukraine.