Madaxweynaha Soomaaliya oo sheegay inay diyaar garow xooggan ugu jiraan xorraynta Jubbada dhexe

0
Madaxweynaha dowladda Soomaaliya Xasan Sheekh Maxamuud ayaa sheegay inay guulo ka soo hooyeen dagaalka ka dhanka ah kooxda Al-Shabaab.

“Waxaan aragnaa dardar xooggan oo ka dhan ah al-Shabaab, waxaana rabnaa inaan sii wadno si aan uga adkaano koox caddaysatay caga-jugleyn iyo dilka dadka aan waxba galabsan,” ayuu yiri madaxweynaha.

Madaxweyne Xasan Sheikh ayaa sheegay in dowladdiisu ay abaabul xooggan ka wado deegaannada maamulka Jubbaland.

Wuxuu sheegay inuu socdo diyaar garow lagu doonayo in Al-Shabaab looga xoreeyo gobolka Jubbada dhexe ee koonfurta Soomaaliya, oo ah gobolka kaliya ee dalka ka tirsan oo Alshabaab gacanta ku hayaan.

Xasan Sheikh wuxuu sheegay dowladiisa in ay ku dhiiraneyso iska caabinta Maleeshiyo beeleedka deegaanka oo loo yaqaano Macaawisleyda ay ka wadaan Hiiraan iyo Galgaduud ee Bartamaha Soomaaliya.

“Mar haddii ay u adkeysan waayeen handadaada, baadda iyo afduubka carruurtooda, hadda qaar ka mid ah beelaha deegaanka ayaa sheegaya in ay bilaabeen la dagaalanka Al-Shabaab,’ ayuu yiri madaxweyne Xasan Sheikh.

Wuxuu sheegay madaxweynuhu inay dowladdu taageerayso abaabulka beeluhu isaga diulqaadayaan Alshabaab, si buu yiri dadka ugu noolaadaan nabad iyo sharaf.