Iyadoo mudooyinkii dambe ciidamada qalabka sida ee dowlada soomaaliya ay ahaayeen kuwo aan mushaarkoodu joogto u qaadan ayaa arintaasi waxaa ka hadlay mudanayaal ka tirsan baarlamaanka soomaaliya.
Xildhibaan C/xakiin Macalin Axmed oo ka mid ah Baarlamaanka Federaalaka ayaa sheegay in haatan wixii ka dambeeya ay ka shaqeyn doonaan sidii ciidanka dowlada ay mushaaraadku joogto ugu heli lahaayeen .
Wuxuu tilmaamay in ay la xisaabtami doonaan wasaaradaha kala duwan ee xukuumada lasoo dhisi doono iyo hey’adaha dowlada federaalka , si shaqaalaha dowladu ay xuquuqdooda u helaan.
Xildhibaan C/kiin Macalin Axmed wuxuu sheegay in muhiim ay tahay in ciidanka dowladu ay helaan xuquuqdooda maadaama sida uu sheegay ay yihiin kuwo difaaca dalka iyo dadka soomaaliyeed.
Lama oga waxa hadalkan uu ka badali karo mushaar la’aanta hey’adaha kala duwan ee dowlada soomaaliya oo ay ugu horeeyaan ciidamada , inkastoo dowlada uu hogaanka u qabtay Farmaajo ay balan qaadyo u sameysay ciidanka.
Xogdoonnews:
Muqdisho Somalia
xogdoon2015@gmail.com
